Staðsetning góð ?

"Staðsetn­ing­in er góð, á milli tveggja skóla"  ?   Þetta ferlíki er inn á skólalóð Kópavogsskóla og svo er austurhliðin algjörlega sólarlaus , þar sem að Vetingahúsaskóli MK skyggir á þá hlið.  Svo er gert ráð fyrir bílastæðalausri þjónustu , um 200 fermetrum , en það kemur reyndar ekki fram í þessari frétt.

Best að leyfa nærliggjandi íbúm bæjarins að svara þessu, sem Gísli og Kópavogsbær ákváðu að vaða yfir með skítugum skónum sínum , ojj. 

Augljóst þykir íbúum, sem sendu inn athugasemdir frá upphafi,  að þarna verður allt of þétt byggt (2250% aukning íbúa) , allt of hátt byggt sem mun skerða útsýni og auka við skuggahliðar nærliggjandi íbúa,  og byggingarstíll er ekki í samræmi við nærliggjandi umhverfi.  Þá er umferðaröryggi barna í hættu hvor áttin sem innkeyrslan að bílakjallara snýr , þar sem bílaumferð mun alltaf enda á Digranesvegi, framhjá MK og Kópavogsskóla, þar sem börn eru að ganga í og úr skóla.  Ekki virðist heldur vera fjallað um, eða gerð grein fyrir,  þeirri umferð sem mun stafa af 200fm² atvinnuhúsnæðinu sem gert er ráð fyrir á jarðhæð.  

Þá verður hljóðmengun sem tengist aukinni bílaumferð meiri og spurning með frárennslislagnir á svæðinu.  Telja íbúar að það megi , á umræddum reit, byggja 40 íbúðir í raðhúsastíl eða hæðir  (500% aukning á íbúðum) eða að bærinn kaupi viðkomandi lóð af verktakanum til þess að geta stækkað skólanna , þar sem að fyrirhuguð stækkun á Hamraborg mun framkalla stækkunarþörf á grunn- og framhaldsskóla.

180 íbúðir á lóð átta húsa